Erekode en skoollied

Bewus van ons voorreg om aan die Laerskool Frans Conradie as leerkrag, leerder en ouer verbonde te wees verklaar ons die volgende:

1. Ons glo in die Drie-enige God van wie ons in alles diep afhanklik is.
2. Ons aanvaar die Bybel as die geopenbaarde Woord van God.
3. Ons streef na die bewaring en uitbouing van ons Afrikaanse kultuurerfenis en die aankweek van 'n gesindheid van naasteliefde en respek teenoor alle mede Suid-Afrikaners.
4. Ons beloof lojaliteit teenoor ons dorp en sy bestuur en het respek en waardering vir dit wat Despatch ons bied.
5. Ons wil ons opvoedingstaak met toewyding volvoer sodat elke individu tot sy volle potensiaal as burger van die RSA kan ontwikkel.
6. Ons glo in die aankweek van 'n gesonde selfbeeld sodat ons moedig sal wees in ons neerlaag en nederig in ons oorwinning.
7. Ons glo deur op die hoeksteen van waarheid te handhaaf en te bou, eenheid in diversiteit, 'n werklikheid in ons vaderland sal wees.

Ons skoollied is geskryf deur Ds. P.D. Strauss, eerste predikant van NG-Kerk Despatch - Eendrag, terwyl hy vakansie gehou het in Jeffreysbaai.

Die Frans Conradie staan trots en fier
as bouplek van verstand en spier.
Vorming van karakter en van die gees,
sal by ons altyd eerste wees.

Frans Conradie, Frans Conradie, dis die skool vir my en jou.

Waarheid is ons laerskoolleuse.
Waarheid word ons lewenskeuse.
Hoog hou ons die skool se naam, waar ons ook mag kom of gaan.

Frans Conradie, Frans Conradie, dis die skool vir my en jou.

Ons is kinders van 'n vrye land.
Ons erfdeel sal ons nooit verpand.
Die oog op Hom gehou,
help ook ons die toekoms bou.

Frans Conradie, Frans Conradie, dis die skool vir my en jou.