Wat ons Bied
Akademie
Ons volg die Hersiende Nasionale Kurrikulum, met al die voorgeskrewe leerareas en vakke. ‘n Hoë standaard van onderrig word gehandhaaf. Ons medium van onderrig is Afrikaans. In die Intersen-fase word kwartaalliks erkenning aan die Top 20-leerders per graad gegee.
Kultuur
‘n Wye verskeidenheid van kulturele aktiwiteite word aangebied. Dit sluit in: Koor, musiekonderrig (klavier, klawerbord, kitaar en blokfluit), VCSV (Hemelvaart, Pinkster, Jesusweek, uitreike, kampe, Hardloop-vir-Bybels), ATKV-Redenaars, entrepreneursdae/klasverkope, Boekkarakterdag, spelmarathon/spelling bee, Wiskunde olimpiade, Kaperjolle konsert, kermis/fondsinsamelings, Boekklub, gemeenskapsbetrokkenheid, sosiale ontwikkeling.
Sport
Sportkodes sluit in: Atletiek, netbal, rugby, krieket, landloop, skaak en tennis. Blootstelling aan sportdae en sporttoere.
Nie-skoolsport:
Nie-skoolsport sluit in: Karate, Taekwando, stoei, hengel, motorsport, Voortrekkers, Future Kings, robotika en kodering, ballet, Action Sports, Monkeynastix en gimnastiek.
SIAS hulpsentrum en Sielkundige dienste
Leerders vanaf Graad RR - 3 met spesiale leer- en skolastiese uitdagings ontvang een keer per week spesiale klasse in ons hulpsentrum. SIAS-klasse vir graad 4 - 7 leerders vind weekliks plaas in Afrikaans Huistaal, Engels Eerste Addisionele Taal en Wiskunde. Ons skool beskik oor 'n sielkundige wat leerders skolasties toets en waarneem. Emosionele en maatskaplike probleme word verwys.
Nasorgsentrum
Ons nasorgsentrum is ten volle toegerus om leerders na skool by te staan met huiswerk en goeie toesig word gehou in 'n veilige omgewing. Daar is verskillende opsies wat uitgeoefen kan word. Nasorgkontaknommer: 0419336816 vir enige navrae.
Rekenaarsentrum
Vanaf 2023 spog Frans Conradie met 'n splinternuwe rekenaarsentrum. Graad R tot graad 7 ontvang rekenaaropleiding een maal per week. Robotika en kodering word vanaf 2023 vir graad 2 - 7 aangebied.
Uitstappies
Graad RR - 7 leerders word blootgestel aan buitelugopvoeding. Graad 3 en graad 6-leerders kry die geleentheid om te gaan kamp en graad 7-leerders het 'n heerlike toer na die Wes-Kaap waarna hulle kan uitsien.
