"Leer ’n jongmens om die regte pad te kies, en wanneer hy eendag oud is, sal hy nie daarvan afwyk nie." Spr. 22:6 Ons streef daarna om Christelike waardes by die leerders te vestig. Dit doen ons deur weeklikse lofprysingsperiodes, saalopeninge, Jesusweek en karakterontwikkeling.
Kwaliteit onderrig, met Afrikaans as medium, is ons prioriteit. Ons streef na akademiese uitnemendheid. Klasgroottes word beperk sodat optimale leer kan plaasvind en leerders kan floreer. Die personeel is gekwalifiseerde, toegewyde opvoeders met 'n passie vir leerders.
"Gee jou seun 'n goeie opvoeding en jy sal gerus wees oor hom; hy sal jou baie vreugde verskaf." Spr. 29:17. Dissipline word in lyn met Christelike waardes hanteer.
'n Gesonde liggaam huisves 'n gesonde gees. Fransies bly nederig as hul wen en verloor met waardigheid. Deelname, ontwikkeling en 'n liefde vir sport is die oogmerk. Kultuur speel 'n belangrike rol in die holistiese ontwikkeling van ons leerders.
Laerskool Frans Conradie is gunstig en gemaklik geleë.
